Спёка сутыкнецца са шкваламі: якую праверку на трываласць рыхтуе надвор’е беларусам сёння
1 ліпеня, Мінск . У Беларусі 1 ліпеня днём на большай частцы тэрыторыі краіны тэмпература паветра складзе 30-34 градусы вышэй за нуль, па паўднёвым захадзе — плюс 35-37 градусаў. Аб гэтым расказалі БЕЛТА ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.
Сёння чакаецца пераменная воблачнасць. Пераважна без ападкаў, толькі днём па заходняй палове пройдуць кароткачасовыя дажджы, навальніцы, месцамі чакаюцца моцныя ліўні, магчымы град. Раніцай у асобных раёнах магчымы слабы туман. Вецер прагназуецца пераменных напрамкаў 4-9 м/с, днём пры навальніцах з парывамі да 14 м/с, месцамі шквалістае ўзмацненне ветру з парывамі 15-20 м/с, у асобных раёнах 21-24 м/с, у сувязі з чым аб’яўлены аранжавы ўзровень небяспекі.
Тэмпература паветра днём будзе ад плюс 27 градусаў па паўночным усходзе да плюс 37 градусаў па паўднёвым захадзе, у сувязі з чым аб’яўлены чырвоны ўзровень небяспекі.
Больш актуальнай і цікавай інфармацыі аб надвор’і глядзіце ў праграме АНТ «Метэагід» на videobel.by.
