Шыпачоў пакінуў мінскае «Дынама» і перайшоў у «Салават Юлаеў»
Вадзім Шыпачоў. Фота з архіва 9 чэрвеня, Мінск . Мінскае «Дынама» аб’явіла аб расставанні з 39-гадовым расійскім нападаючым Вадзімам Шыпачовым. Аб гэтым паведамілі БЕЛТА ў прэс-службе сталічнага клуба.
За два сезоны ў складзе «зуброў» Шыпачоў правёў 147 сустрэч і набраў 107 (32+75) ачкоў пры паказчыку карыснасці «+6». У форме «Дынама» Вадзім пабіў гістарычны рэкорд Сяргея Мазякіна па рэзультатыўных балах за кар’еру ў лізе, першым у гісторыі КХЛ дасягнуў 1000 ачкоў, а таксама ўстанавіў новае дасягненне лігі па колькасці згуляных матчаў (цяпер — 1134).
Наступным клубам 39-гадовага расіяніна стане ўфімскі «Салават Юлаеў».
