Сапраўднае лета? Што пакажуць слупкі тэрмометраў у Беларусі 3 чэрвеня
2 чэрвеня, Мінск . Што пакажуць слупкі тэрмометраў у Беларусі 3 чэрвеня, расказалі БЕЛТА ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.
У сераду будзе пераменная воблачнасць і пераважна без ападкаў. Толькі ў паўднёвых раёнах пройдуць кароткачасовыя дажджы, месцамі навальніцы. Вецер прагназуецца паўднёвы, паўднёва-ўсходні 4-9 м/с, у асобных раёнах з парывамі да 14 м/с.
Тэмпература паветра ноччу складзе 6-12 градусаў вышэй за нуль. Днём будзе 20-26 градусаў цяпла, па поўдні — плюс 16-19 градусаў.
