Рыжанкоў: М’янма з’яўляецца блізкім партнёрам Беларусі
Максім Рыжанкоў. Фота з архіва 2 ліпеня, Джакарта . М’янма з’яўляецца блізкім партнёрам Беларусі. Аб гэтым заявіў журналістам міністр замежных спраў Беларусі Максім Рыжанкоў, каменціруючы рабочы візіт кіраўніка беларускай дзяржавы Аляксандра Лукашэнкі ў гэту краіну,
«М’янма з’яўляецца нашым вельмі блізкім партнёрам. Палітычнае ўзаемадзеянне знаходзіцца на найвышэйшым узроўні. Мы даволі актыўна развіваем многія эканамічныя праекты, — сказаў кіраўнік МЗС. — Супрацоўніцтва развіваецца, і пацвярджэннем таго з’яўляецца рост тавараабароту. Няхай гэта пакуль невялікія лічбы, але рост вельмі сур’ёзны».
Максім Рыжанкоў адзначыў, што афіцыйны візіт Аляксандра Лукашэнкі ў М’янму ў лістападзе 2025 года стаў яркай падзеяй у двухбаковым супрацоўніцтве.
Паводле слоў міністра, нарошчваюцца пастаўкі ў М’янму прадуктаў харчавання з Беларусі, у канчатковай стадыі рэалізацыі знаходзіцца шэраг праектаў па зборцы беларускай тэхнікі. У двухбаковым супрацоўніцтве ёсць і праекты пры ўдзеле «Беллегпрама».
«Ёсць сур’ёзныя ідэі, якія таксама рэалізуюцца, па пытанні пастаўкі з М’янмы пэўнай групы тавараў. Гэта датычыцца морапрадуктаў, пальмавага алею, каўчуку, агародніны і фруктаў, якія мы ў сябе не вырошчваем», — расказаў Максім Рыжанкоў.
