Пытанні будаўніцтва і забеспячэння насельніцтва арэндным жыллём абмеркавалі на нарадзе ва ўрадзе
Фота з тэлеграм-канала «Урад Беларусі» 2 верасня, Мінск . Прэм’ер-міністр Беларусі Аляксандр Турчын правёў рабочую нараду па пытаннях будаўніцтва і забеспячэння насельніцтва арэндным жыллём, паведамілі ў прэс-службе ўрада.
На нарадзе пацверджана накіраванасць на далейшае нарошчванне аб’ёмаў будаўніцтва арэнднага жылля, у тым ліку сіламі саміх прадпрыемстваў рэальнага сектара эканомікі.
Абмеркаваны пытанні вядзення ўліку жадаючых атрымаць такое жыллё. Асаблівая ўвага ўдзелена забеспячэнню арэндным жыллём маладых і запатрабаваных спецыялістаў, маладых сем’яў.
Пры гэтым пастаўлена задача паскорыць вырашэнне пытанняў уключэння ў абарот пустуючага арэнднага жылля і ўстанаўлення патрабаванняў да арэнднага жылля для маладых спецыялістаў, якія даюць магчымасць забяспечыць камфортныя ўмовы іх пражывання.
