Указам Прэзідэнта зменены парадак правядзення абавязковай дзяржаўнай дактыласкапіі
Фота з архіва 28 кастрычніка, Мінск . Прэзідэнт Беларусі Аляксандр Лукашэнка 28 кастрычніка падпісаў указ №387, якім карэкціруецца парадак ажыццяўлення абавязковай дзяржаўнай дактыласкапічнай рэгістрацыі, устаноўлены ўказам №565 ад 18 лістапада 2004 года. Аб гэтым паведамілі ў прэс-службе беларускага лідара.
Дакумент падрыхтаваны ў мэтах рэалізацыі палажэнняў закона ад 2 лютага 2026 года «Аб змяненні законаў па пытаннях дзяржаўнай дактыласкапічнай рэгістрацыі».
Указам, у прыватнасці, вызначаны органы, якія ўпаўнаважаны выдаваць накіраванні на дактыласкапічную рэгістрацыю і праводзіць яе новым катэгорыям асоб, якія падлягаюць абавязковай дактыласкапіі ў адпаведнасці з законам.
Акрамя таго, удасканальваецца парадак інфармацыйнага ўзаемадзеяння паміж дзяржаўнымі органамі ў гэтай сферы. Уносяцца змяненні, абумоўленыя практыкай прымянення дзеючых норм.
Для забеспячэння прастаты і даступнасці нарматыўных прадпісанняў для грамадзян указ №565 выкладзены ў новай рэдакцыі.
