Прамысловасць пад пастаянным кантролем, па выніках сямі месяцаў выйшла ў плюс — Турчын
Фота з архіва 2 верасня, Мінск . Прамысловасць пад пастаянным кантролем, па выніках сямі месяцаў выйшла ў плюс. Аб гэтым заявіў журналістам прэм’ер-міністр Аляксандр Турчын па выніках даклада Прэзідэнту Беларусі Аляксандру Лукашэнку,
«Як і ў цэлым у эканоміцы, сітуацыя ў прамысловасці неаднародная. Ёсць шэраг галін прамысловасці, якія даволі паспяхова працуюць у няпростых умовах. Аднак машынабудаўнічая галіна сёння мае праблемы па аб’ектыўных і суб’ектыўных прычынах. Але мы фактычна ў штодзённым рэжыме дапамагаем нашым прадпрыемствам, дзесьці падстаўляючы плячо. Умовы нашай падтрымкі: прадпрыемства павінна нам даказаць, што ўсе меры, у тым ліку істотная аптымізацыя затрат і зніжэнне сабекошту выпускаемай прадукцыі, імі прыняты. Толькі ў гэтым выпадку мы недзе ідзём насустрач, дапамагаючы ў тых ці іншых пытаннях», — сказаў Аляксандр Турчын.
Ён адзначыў, што па выніках сямі месяцаў прамысловасць выйшла ў няхай невялікі, але плюс. «І мы бачым, што гэта тэндэнцыя будзе далей прадаўжацца. Аднак у нас няма абсалютна ніякай самазаспакоенасці. Прамысловасць — адна з важнейшых галін нашай эканомікі. Яна знаходзіцца пад нашым пастаянным кантролем. Мы бачым тыя праблемы, якія нам трэба вырашаць, і стараемся гэта рабіць», — падкрэсліў прэм’ер-міністр.
