Паўночны вецер на падыходзе. Сіноптыкі расказалі аб надвор’і на будучым тыдні
22 кастрычніка, Мінск . Сіноптыкі расказалі, калі менавіта слупкі тэрмометраў пойдуць уніз і наколькі ўстойлівым будзе пахаладанне. Аб гэтым паведамілі БЕЛТА ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя.
«Антыцыклон Gerhard, які пераадолеў шлях з поўначы Атлантыкі да хрыбтоў Урала, надзейна ўмацаваўся над еўрапейскай тэрыторыяй Расіі. Вось ужо амаль тыдзень маларухомы барычны максімум ахоўваў нашы краі ад моцных ападкаў, блакіруючы шлях дажджлівым цыклонам. Аднак у бліжэйшы час Gerhard крыху аслабіць абарону і ў беларускія краі з Заходняй Еўропы накіруюцца франтальныя раздзелы, якія прынясуць новыя порцыі ападкаў у большасць раёнаў краіны. Пры гэтым да панядзелка (26 кастрычніка) па перыферыі антыцыклону прадоўжыць паступаць паветра паўднёвых шырот, таму захаваецца не па сезоне цёплае надвор’е, якое адстае ад календара як мінімум на тры тыдні. А вось пачынаючы з аўторка грэбень высокага ціску зноў узмоцніць свае пазіцыі, садзейнічаючы змяншэнню колькасці аблокаў і ападкаў. Але вядучыя патокі зменяць напрамак на паўночна-заходні і ў выніку адвекцыі паветранай масы паўночных шырот тэмпературы паветра панізяцца, але па-ранейшаму будуць перавышаць кліматычную норму на 1-4 градусы. Так, з 23 па 26 кастрычніка (пятніца — панядзелак) умовы надвор’я ў Беларусі ў асноўным будуць вызначаць атмасферныя франты, якія, перамяшчаючыся з Заходняй Еўропы, абумовяць дажджы рознай інтэнсіўнасці. Разам з тым у выніку паступлення ўмерана цёплых паветраных мас захаваецца станоўчая тэмпературная анамалія, якая складае ў асноўным 1-7 градусаў. Начныя мінімумы будуць вагацца ад 2 да 12 градусаў, а дзённыя максімумы будуць знаходзіцца ў межах плюс 8-16 градусаў», — расказалі ў Белгідрамеце.
У пятніцу, 23 кастрычніка, на большай частцы тэрыторыі краіны пройдуць дажджы. Тэмпература паветра ноччу складзе 5-11 градусаў вышэй за нуль, днём — плюс 9-15 градусаў. 
У суботу, 24 кастрычніка, пераважна па ўсходняй палове краіны пройдуць кароткачасовыя дажджы. Ноччу і раніцай месцамі магчымы слабы туман. Тэмпература паветра ноччу складзе ад плюс 2 градусаў па захадзе да плюс 11 градусаў па паўднёвым усходзе, днём — 9-15 градусаў вышэй за нуль.
У нядзелю, 25 кастрычніка, месцамі па краіне пройдуць кароткачасовыя дажджы. Ноччу і раніцай у асобных раёнах магчымы слабы туман. Тэмпература паветра ноччу складзе ад плюс 2 градусаў па захадзе да плюс 11 градусаў па паўднёвым усходзе. Днём будзе 9-16 градусаў са знакам плюс. 
У панядзелак, 26 кастрычніка, на большай частцы тэрыторыі краіны пройдуць дажджы. Тэмпература паветра ноччу складзе 6-12 градусаў цяпла. Днём будзе плюс 8-15 градусаў.
«У далейшым (27-28 кастрычніка) з ростам атмасфернага ціску колькасць і інтэнсіўнасць ападкаў зменшацца, яны стануць адзначацца лакальна. Пры гэтым з паўночнага захаду Еўропы ў краіну пачне паступаць больш халаднаватая паветраная маса, тэмпературны фон панізіцца і ў начны час складзе 1-8 градусаў цяпла, месцамі не выключаны замаразкі ад нуля да мінус 3 градусаў, а днём будзе 6-14 градусаў цяпла. У начны і ранішні час у вільготным паветры ў асобных раёнах краіны будуць згушчацца туманы», — падзяліліся прагнозам сіноптыкі. 
У аўторак, 27 кастрычніка, месцамі па краіне пройдуць кароткачасовыя дажджы. Ноччу і раніцай у асобных раёнах магчымы туман. Тэмпература паветра ноччу складзе 1-8 градусаў цяпла, месцамі чакаюцца замаразкі ад нуля да мінус 3 градусаў. Днём будзе плюс 6-13 градусаў.
У сераду, 28 кастрычніка, ноччу будзе пераважна без ападкаў, днём месцамі па краіне пройдуць кароткачасовыя дажджы. Ноччу і раніцай у асобных раёнах магчымы туман. Тэмпература паветра ноччу складзе 1-7 градусаў вышэй за нуль, месцамі чакаюцца замаразкі ад нуля да мінус 3 градусаў. Днём будзе плюс 7-14 градусаў. 
Больш актуальнай і цікавай інфармацыі аб надвор’і глядзіце ў праграме АНТ «Метэагід» на videobel.by.
