Злачынец, які ўчыніў стральбу ў цэнтры Кракава, меў пры сабе 4 адзінкі зброі і каля 500 патронаў
Фота Reuters 9 лістапада, Мінск /Кар. БЕЛТА/. Злачынец, які ўчыніў стральбу ў цэнтры Кракава, меў пры сабе дзве вінтоўкі і два пісталета, а таксама каля 500 патронаў, паведамляе радыё RMF24 са спасылкай на Нацыянальную пракуратуру Польшчы.
Паводле даных пракуратуры, у цэнтры горада было зроблена сама меней некалькі дзясяткаў выстралаў.
7 лістапада 24-гадовы грамадзянін Польшчы ў камуфляжы выехаў на аўтамабілі на галоўную плошчу Кракава і адкрыў агонь па выпадковых прахожых. Ахвярамі стральбы сталі шэсць чалавек, яшчэ 15 былі паранены, у тым ліку двое паліцэйскіх. Паводле даных мясцовых улад, сярод загінулых як мінімум двое іншаземцаў — 51-гадовая грамадзянка Аўстрыі і 32-гадовы грамадзянін Вялікабрытаніі.
Падазроны быў паранены пры затрыманні і памёр у бальніцы раніцай 9 лістапада. У кватэры сям’і стралка паліцыя знайшла целы яго бацькоў і сястры. Таксама былі знойдзены яшчэ сем адзінак зброі.
У злачынца з сакавіка быў дазвол на нашэнне зброі.
Здарэнне расследуецца як тэракт, у Польшчы аб’яўлена агульнанацыянальная жалоба.-0-
