Меткія, хуткія, моцныя. Хто стаў пераможцам спартакіяды беларускіх СМІ?
30 жніўня, Мінск . Вызначаны пераможцы рэспубліканскай спартакіяды «Здароўе-2026» работнікаў галіны Міністэрства інфармацыі, .
Спартакіяда на працягу двух дзён праходзіла ў Рэспубліканскім цэнтры алімпійскай падрыхтоўкі «Стайкі». Удзельнікі спаборнічалі ў валейболе, міні-футболе, настольным тэнісе, лёгкаатлетычным кросе, перацягванні каната. Адбылася эстафета «Вясёлыя старты». Для кіраўнікоў каманд традыцыйным стала першынство па дартсе і стральбе з пнеўматычнай вінтоўкі.
Пераможцам рэспубліканскай спартакіяды стала Нацыянальная дзяржаўная тэлерадыёкампанія Рэспублікі Беларусь, на другім месцы — ЗАТ «Сталічнае тэлебачанне», на трэцім — ЗАТ «Другі нацыянальны тэлеканал».
У гэтым годзе ўдзельнікамі спартыўнага спаборніцтва сталі 20 каманд і больш за 500 чалавек. Яны прадстаўлялі рэспубліканскія і рэгіянальныя сродкі масавай інфармацыі з усіх куткоў краіны, а таксама арганізацый сістэмы Міністэрства інфармацыі і прэс-службаў дзяржаўных органаў.
Спецыяльнымі прызамі ўзнагароджаны: у намінацыі «Адкрыццё года» — каманда Мінскага гарадскога выканаўчага камітэта, у намінацыі «За волю да перамогі» — каманда Віцебскай вобласці, у намінацыі «Самая дружная каманда» — каманда Магілёўскай вобласці, у намінацыі «Надзея года» — каманда Мінскай вобласці, у намінацыі «Яркі дэбют» — каманда Брэсцкай вобласці, у намінацыі «Самы юны ўдзельнік спартакіяды» — Віткоўская Ксенія, каманда Брэсцкай вобласці.
Спецыяльны прыз сімпатый гледачоў атрымала каманда Гродзенскай вобласці.
/Будзе дапоўнена/.
