Лукашэнка выказаўся аб глыбокай рэформе Вярхоўнага Суда і асабістых якасцях яго старшыні
9 чэрвеня, Мінск . Прэзідэнт Беларусі Аляксандр Лукашэнка выказаўся аб глыбокай рэформе Вярхоўнага Суда і асабістых якасцях яго цяперашняга старшыні Андрэя Шведа. Адпаведныя заявы кіраўнік дзяржавы зрабіў на сустрэчы са старшынёй Вярхоўнага Суда Расійскай Федэрацыі Ігарам Красновым,
«Вы ведаеце, што па маёй ініцыятыве старшыня Вярхоўнага Суда ў нас ужо зацвярджаецца на народным вечы — Усебеларускім народным сходзе. Як і суддзі Вярхоўнага Суда. Гэта надае вельмі сур’ёзны статус, — сказаў кіраўнік дзяржавы. — У многім гэта звязана з асобай цяперашняга старшыні. Таму што такія рэзкія рухі трэба рабіць з вельмі надзейным для беларускага народа чалавекам. Я яму першы раз аб гэтым гавару, што, улічваючы асобу чалавека, адданасць той справе, якой ён служыць, і беларускаму народу, мы пайшлі на гэту сур’ёзную, можа, нават глыбокую рэформу Вярхоўнага Суда».
Аляксандр Лукашэнка адзначыў, што заўсёды падтрымлівае работу Вярхоўнага Суда, і гэта ў тым ліку відаць па ствараемых для гэтага ведамства ўмовах працы.
