Як праходзіць праверка боегатоўнасці ў танкавым батальёне 19-й асобнай гвардзейскай мехбрыгады
Фота «Ваяр» 15 верасня, Мінск . У танкавым батальёне 19-й асобнай гвардзейскай механізаванай брыгады праходзяць мерапрыемствы па прывядзенні ў гатоўнасць да выканання задач па прызначэнні пры праверцы боегатоўнасці Узброеных Сіл. Аб гэтым БЕЛТА паведамілі ў Мінабароны.
У ведамстве расказалі, што сёння адбыўся агляд гатоўнасці воінскай часці, якая правяраецца. У далейшым гвардзейцам трэба ажыццявіць марш у названы раён, выканаць нарматывы па тактычнай падрыхтоўцы, вучэбныя і кантрольныя стрэльбы са стралковай зброі і ўзбраення танкаў, а таксама нарматывы па фізічнай падрыхтоўцы.
Як адзначыў намеснік Дзяржаўнага сакратара Савета бяспекі Андрэй Гарбаценка, сёння танкавы батальён выканаў цэлы комплекс мерапрыемстваў па прывядзенні ў гатоўнасць. «Правяраюцца ўсе элементы: укамплектаванасць батальёна, экіпіроўка асабовага складу батальёна, наяўнасць узбраення, ваеннай і спецыяльнай тэхнікі, яе тэхнічнага стану, наяўнасць запасаў матэрыяльных сродкаў, у якім аб’ёме яны загружаны. Пасля падвядзення вынікаў гатоўнасці батальёна да вырашэння задач па прызначэнні батальён зробіць марш на палігон і ўжо сёння пачне выконваць агнявыя задачы са стралковай зброі. Будуць праводзіцца кантрольныя заняткі па агнявой падрыхтоўцы, пры гэтым першыя заняткі будуць праводзіцца ў начны час», — сказаў ён.
Паводле слоў Андрэя Гарбаценкі, з заўтрашняга дня інтэнсіўнасць кантрольных мерапрыемстваў з батальёнам будзе нарошчвацца, каб даць поўную ацэнку гатоўнасці батальёна да вырашэння пастаўленай задачы. «Усе недахопы, усе станоўчыя бакі аналізуюцца. Уся інфармацыя будзе даложана кіраўніцтву Узброеных Сіл і кіраўніку дзяржавы. Усё гэта будзе добрай дапамогай для ўдасканалення ўзроўню падрыхтоўкі такіх воінскіх часцей і падраздзяленняў Узброеных Сіл», — рэзюмаваў ён.
