Як накапіць «другую» пенсію, нагадалі ў Мінпрацы
Фота з архіва 25 мая, Мінск . Як стаць удзельнікам праграмы «тры плюс тры», якая дае магчымасць накапіць так званую «другую» пенсію, нагадалі ў прэс-службе Міністэрства працы і сацыяльнай абароны, .
У Мінпрацы адзначылі, што для ўдзелу ў праграме неабходна выканаць усяго два крокі: падаць заяву і заключыць дагавор са страхавой кампаніяй «Стравіта», а потым звярнуцца да наймальніка з копіяй дагавора і заявай аб пералічэнні адпаведнага страхавога ўзносу.
Пасля гэтага дадатковыя ўзносы на накапляльную пенсію будуць кожны месяц пералічвацца работадаўцам па заяве работніка. Работнік таксама мае права змяніць тарыф узносу на накапляльную пенсію, але не часцей як адзін раз у год. Акрамя таго, ён можа ў любы момант прыпыніць свой удзел у праграме і потым аднавіць выплату дадатковых узносаў.
У выніку пры дасягненні агульнаўстаноўленага пенсійнага ўзросту страхоўшчык будзе выплачваць работніку дадатковую накапляльную пенсію штомесяц на працягу 5 або 10 гадоў (на выбар грамадзяніна).
