Гуманітарная місія ў Алешках рыхтавалася з мая
Фота з архіва ТАСС Навіны сюжэта «Алешкі. Гуманітарная місія» Расійская і ўкраінская дэлегацыі вылецелі з Гомеля адным бортам Першая вочная сустрэча расійскай і ўкраінскай дэлегацый адбылася ў аэрапорце Гомеля 29 кастрычніка, Мінск /Кар. БЕЛТА/. Гуманітарную місію ў горадзе Алешкі Херсонскай вобласці рыхтавалі з мая. Аб гэтым заявіла ўпаўнаважаны па правах чалавека ў РФ Яна Лантратава, перадае ТАСС.
Паводле яе слоў, уважліва прадумваўся кожны этап, уключаючы падрыхтоўку гуманітарнага канвою. «За сённяшнім выездам — месяцы перагавораў і работы, без якой місія не адбылася б», — адзначыла яна.
Лантратава таксама сказала, што рэжым цішыні, аб’яўлены ў сувязі з гуманітарнай місіяй у горадзе Алешкі, поўнасцю захоўваецца, «бакі выконваюць узятыя на сябе абавязацельствы, ні аднаго парушэння не зафіксавана». Яна адзначыла, што знаходзіцца на пастаяннай сувязі з упаўнаважаным Вярхоўнай рады Украіны па правах чалавека Дзмітрыем Лубінцом, разам з якім яны каардынуюць выкананне дамоўленасцей.
Акрамя таго, амбудсмен паведаміла, што вялікая гуманітарная калона з прадуктамі, медыкаментамі, палівам і ўсім неабходным для жыхароў Алешак сфарміравана. «Усё неабходнае, што трэба для людзей, мы сфарміравалі ў вялікую гуманітарную калону, якая ў Алешках Херсонскай вобласці будзе перададзена людзям, якія маюць у гэтым патрэбу», — сказала яна.
Паводле яе слоў, цяпер прадаўжаецца падрыхтоўка, каб даставіць неабходнае тым, хто застаецца ў горадзе, і гарантаваць бяспечны выезд людзям, якія самі прымуць такое рашэнне.
Лантратава падкрэсліла, што захаванне бакамі рэжыму цішыні дазваляе ваенным «прадаўжаць размініраванне дарог і рыхтаваць бяспечны праезд гуманітарнай калоны». Цяпер расійскія ваенныя праводзяць усе неабходныя інжынерна-тэхнічныя работы.
Як паведамлялася, беларускі бок афіцыйна далучыўся да гуманітарнай аперацыі ў прыфрантавым горадзе Алешкі на херсонскім напрамку. З аэрапорта Гомеля сёння вылецеў борт з прадстаўнікамі расійскай і ўкраінскай дэлегацый, якія прымаюць удзел у аперацыі.
Населены пункт Алешкі размешчаны на левым беразе Дняпра за 5 км ад Херсона. Горад знаходзіцца ў непасрэднай блізкасці ад лініі фронту і на працягу апошніх гадоў рэгулярна трапляў пад абстрэлы. Для правядзення гуманітарнай аперацыі расійскі і ўкраінскі бакі пры пасрэдніцтве ЗША — і перш за ўсё жонкі амерыканскага лідара Меланіі Трамп — дасягнулі пагаднення аб спыненні агню ў раёне населенага пункта. Рэжым цішыні для правядзення гуманітарнай місіі ў Алешках уступіў у сілу з 4.00 па маскоўскім часе 27 кастрычніка і будзе дзейнічаць да 22.59 1 лістапада. Незалежная медыяарганізацыя з ЗША будзе суправаджаць і дакументаваць дзеянні расійскіх і ўкраінскіх груп на месцах на працягу ўсяго працэсу.-0-
