КДК прадоўжыў работу гарачай лініі па даступнасці паслуг і цэнах у стаматалогіі
Фота з архіва 25 верасня, Мінск . У Камітэце дзяржаўнага кантролю прадоўжылі работу гарачай лініі па пытаннях аказання стаматалагічных паслуг да канца пятніцы, інфармуе БЕЛТА са спасылкай на КДК.
Патэлефанаваўшы на кароткі нумар 191, можна паведаміць аб праблемах, звязаных з даступнасцю і цэнаўтварэннем пры аказанні такіх паслуг, нявыдачы расшыфровак кошту і чэкаў. Гарачая лінія будзе працаваць з 10.00 да 18.00 (перапынак з 13.00 да 14.00).
Таксама звесткі можна накіраваць у чат-бот Telegram-канала Камітэта дзяржкантролю.
