Больш за 221 тыс. іншаземцаў наведалі Беларусь без віз з пачатку года
Фота з архіва 16 лістапада, Мінск . Больш за 221 тыс. замежных грамадзян з 38 дзяржаў скарысталіся бязвізавым рэжымам для наведвання Беларусі з пачатку 2026 года. Аб гэтым БЕЛТА паведамілі ў Дзяржаўным пагранічным камітэце.
З пачатку года ў нашу краіну прыбылі 221 506 замежных грамадзян з 38 дзяржаў, уключаных у спіс бязвізу. Традыцыйна госці з суседніх з Беларуссю краін складаюць большасць.
Усяго з 15 красавіка 2022 года Беларусь без віз наведалі 1 479 675 жыхароў еўрапейскіх краін. З Латвіі прыбылі 466 272 чалавекі, з Літвы — 745 754, з Польшчы — 168 973. У рамках пашыранага бязвізавага рэжыму для грамадзян 35 еўрапейскіх дзяржаў, які дзейнічае з 19 ліпеня 2024 года, у Беларусь уехалі 98 676 чалавек.
Бязвізавы ўезд для грамадзян 38 еўрапейскіх краін прадоўжаны па рашэнні Прэзідэнта Беларусі да 31 снежня 2026 года ўключна.
Падрабязная інфармацыя аб умовах бязвізавага наведвання краіны размешчана на інфармацыйным партале Дзяржпагранкамітэта.





