Помніце дзяўчыну, якая нарадзіла трайнят і папрасіла ў Лукашэнкі кватэру? Пытанне вырашылася за пару тыдняў
Скрыншот відэа тэлеканала «Першы інфармацыйны» 27 верасня, Мінск . Шматдзетным сем’ям у Беларусі не трэба непакоіцца, яны ў любым выпадку атрымаюць жыллё. Аб гэтым у праекце «Час Першага» на тэлеканале «Першы інфармацыйны» заявіла старшыня Савета Рэспублікі Наталля Качанава, .
Тэму забеспячэння шматдзетных сем’яў жыллём закранулі ў кантэксце гісторыі 25-гадовай жыхаркі Мінска Ангеліны Камінскай. Дзяўчына нарадзіла трайнят і запісала відэазварот да кіраўніка дзяржавы з просьбай падарыць кватэру. Ролік хутка завірусіўся, сабраўшы 7 млн праглядаў і вялікую колькасць каментарыяў.
З моманту публікацыі відэа прайшло літаральна пару тыдняў, і маладая сям’я атрымала запаветную кватэру.
Наталля Качанава назвала гісторыю Ангеліны Камінскай унікальным выпадкам: усё ж такі трайняты нараджаюцца не так часта. «Нашым шматдзетным сем’ям не трэба непакоіцца: у любым выпадку сям’я атрымае жыллё», — запэўніла старшыня Савета Рэспублікі.
«Пры гэтым улічваюцца пэўныя фактары — напрыклад, наяўнасць жылля ва ўласнасці, сямейны даход. На нарадзе ў кіраўніка дзяржавы прагучала: павінна быць выбудавана дакладная сістэма. Яна ў нас і ёсць у краіне. Сёння клопат аб тых, хто стварае сям’ю, аб сем’ях, якія выхоўваюць дзяцей, аб сем’ях, якія маюць дзетак, у нашай дзяржаве вельмі сур’ёзны», — адзначыла наталля Качанава.
«Таму мы будзем шчаслівы, калі ў нас будуць нараджацца і трайняты. Можна не хвалявацца: усе гэтыя пытанні будуць вырашаны, у гэтым няма ніякага сумнення», — дадала яна.
