Бібліяноч-2026
24 красавіка бібліятэкі Беларусі — удзельнікі акцыі «Бібліяноч»* — будуць працаваць у незвычайным фармаце.
У праграме мерапрыемстваў: майстар-класы, экскурсіі, творчыя сустрэчы, лекцыі, спектаклі, квесты і конкурсы.
На акцыю «Бібліяноч-2026» заяўлена рэкордная колькасць удзельнікаў — 149. Сярод іх абласныя, раённыя і сельскія бібліятэкі па ўсёй краіне.
Нацыянальная бібліятэка Беларусі (куратар акцыі) прысвячае мерапрыемства 20-годдзю свайго новага будынка.
Для даведкі:
Бібліятэкі Беларусі (паводле даных на 2025 г.):
— 2117 публічных бібліятэк,
— 47,2 млн экз. бібліятэчнага фонду,
— 2,6 млн карыстальнікаў.
Новы будынак Нацыянальнай бібліятэкі Беларусі адкрыўся для чытачоў 16 чэрвеня 2006 года.
Будынак бібліятэкі ўваходзіць у лік самых незвычайных будынкаў свету. Гэта складаны шматграннік з 18 квадратаў і 8 трохвугольнікаў, размешчаны на падстаўцы-подыуме (стылабат).
Агульная плошча — 113,7 тыс. кв.м.
Форма аграненага алмаза сімвалізуе каштоўнасць ведаў і бясконцасць пазнаваемага свету.
Фонд бібліятэкі налічвае 10,6 млн дакументаў на больш як 80 мовах свету.
Штогод Нацыянальную бібліятэку наведваюць каля 400 тыс. чалавек. Прыкладна 80% карыстальнікаў — маладыя людзі ва ўзросце да 35 гадоў. Большая частка з іх — студэнты.
*Рэспубліканская культурна-асветная акцыя «Бібліяноч» прымеркавана да Сусветнага дня кнігі і аўтарскага права і накіравана на падтрымку чытання.
Крыніца: Нацыянальная бібліятэка Беларусі, Белстат
