Беларусь прадставіла свой турыстычны патэнцыял на выстаўцы ў Ганконгу
Фота Нацыянальнага агенцтва па турызме 12 чэрвеня, Мінск Беларусь прадставіла свой турыстычны патэнцыял на міжнароднай турыстычнай выстаўцы ITE 2026 у Ганконгу, паведамілі ў Нацыянальным агенцтве па турызме.
У ліку экспанентаў — вядучыя тураператары, пяцізоркавы атэль Waldorf Astoria Minsk, нацыянальны парк «Прыпяцкі». Парк — візітная картка беларускага Палесся — упершыню прымае ўдзел у профільнай выстаўцы такога ўзроўню і прэзентуе экалагічны напрамак.
У першы дзень выстаўкі нацыянальны стэнд наведала выконваючая абавязкі генеральнага консула Рэспублікі Беларусь у САР Ганконг (КНР) Дар’я Богдан. Прадстаўнікі беларускага турыстычнага бізнесу прынялі ўдзел у нетворкінг-сесіі з мясцовымі тураператарамі.
Міжнародная турыстычная выстаўка ITE — адна з ключавых падзей у сферы турызму, у перыяд з 11 па 14 чэрвеня збірае прафесіяналаў індустрыі з усяго свету. У гэтым годзе мерапрыемства праводзіцца 40-ы раз. У 2025 годзе выстаўку ITE Hong Kong 2025 наведала больш як 77 тыс. чалавек, у ёй прынялі ўдзел 502 экспаненты з 64 краін свету.
