Беларусь і Пакістан пашыраюць супрацоўніцтва ў сферы бяспекі
Фота прэс-службы МЗС Пакістана 7 кастрычніка, Мінск . Перспектывы практычнага развіцця беларуска-пакістанскіх адносін у сферы бяспекі разглядаюцца ў час рабочага візіту дзяржаўнага сакратара Савета бяспекі Беларусі Аляксандра Вальфовіча ў Пакістан,
Як паведамілі ў Дзяржсакратарыяце Савета бяспекі, адбыўся даверны абмен меркаваннямі па актуальных пытаннях рэгіянальнага і міжнароднага парадку дня. Бакі выказалі намер умацоўваць узаемадзеянне дзвюх дзяржаў на міжнародным узроўні ў сферы бяспекі, у тым ліку ў фармаце ШАС.
Разгледжаны таксама перспектывы пашырэння супрацоўніцтва Беларусі і Пакістана ў мэтах забеспячэння рэгіянальнай і міжнароднай стабільнасці.
Адбыліся сустрэчы кіраўніка беларускай дэлегацыі з начальнікам штаба сухапутных войскаў, камандуючым сіламі абароны фельдмаршалам Асімам Мунірам, намеснікам прэм’ер-міністра — міністрам замежных спраў Мухамадам Ісхакам Дарам, саветнікам па нацыянальнай бяспецы прэм’ер-міністра генерал-лейтэнантам Асімам Малікам. 
Фота прадастаўлена Дзяржсакратарыятам Савета Бяспекі Рэспублікі Беларусь
