Беларусь і Інданезія дамовіліся аб выбудоўванні міжбанкаўскага ўзаемадзеяння
Фота Нацбанка 2 ліпеня, Мінск . Нацыянальны банк Беларусі і Упраўленне фінансавых паслуг Інданезіі падпісалі мемарандум аб узаемаразуменні, паведамілі ў прэс-службе Нацыянальнага банка.
«Мемарандум стане зыходным пунктам да рэалізацыі далейшых мер па выбудоўванні міжбанкаўскага ўзаемадзеяння паміж краінамі, якое ўключае працэс наладжвання плацежнай інфраструктуры», — сказаў у час цырымоніі падпісання першы намеснік старшыні праўлення Нацбанка Беларусі Аляксандр Ягораў. Пры гэтым ён адзначыў неабходнасць актывізацыі супрацоўніцтва паміж банкамі дзвюх краін для далейшага развіцця эканамічных адносін Беларусі і Інданезіі.
Аляксандр Ягораў таксама правёў двухбаковыя сустрэчы з прадстаўнікамі Банка Інданезіі і Упраўлення фінансавых паслуг Інданезіі. «Беларусь цяпер рэалізуе і гатова нарошчваць узаемавыгаднае і стратэгічнае супрацоўніцтва з Інданезіяй у розных сферах — у забеспячэнні харчовай бяспекі, мадэрнізацыі сельскай гаспадаркі, прамысловай кааперацыі, трансферы тэхналогій, ІТ-рашэнняў і практычнага вопыту ў развіцці турызму», — адзначыў ён.
