Апошняя дэкада чэрвеня гарачынёй беларусаў не парадуе. Якое надвор’е абяцаюць сіноптыкі на будучым тыдні
21 чэрвеня, Мінск . Анамальнай гарачыні на гарызонце пакуль не бачна. Так ахарактарызавалі надвор’е на будучым тыдні спецыялісты Рэспубліканскага цэнтра па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.
Як адзначаюць сіноптыкі, апошняя дэкада чэрвеня гарачынёй беларусаў не парадуе. Свой уплыў захаваюць атлантычныя цыклоны, а гэта значыць, што чакаюцца не толькі дажджы, але і навальніцы, ліўні з градам і моцны вецер. Тэмпература паветра будзе каля нормы для канца чэрвеня.
У панядзелак, 22 чэрвеня, надвор’е будзе знаходзіцца пад уплывам актыўнага атмасфернага фронту, які прынясе непагадзь. Будзе воблачна з праясненнямі, у большасці раёнаў пройдуць кароткачасовыя дажджы, месцамі — моцныя ліўні і навальніцы. Пад раніцу трэба чакаць туман, паўночна-заходні парывісты вецер. У начны час тэмпература паветра складзе ад плюс 14 да 20 градусаў. Днём ад 22 градусаў па поўначы да 28 — па поўдні.
Аўторак будзе знаходзіцца ў зоне высокага атмасфернага ціску і вільготных паветраных мас. Будзе пераменная воблачнасць, без істотных ападкаў, вецер паўночна-заходні, умераны, вільготнасць — да 90 працэнтаў. Тэмпература паветра ноччу — ад 12 да 18 градусаў цяпла. Днём ад 21 па паўночным усходзе да 27 градусаў — па паўднёвым захадзе.
У сераду за надвор’е будзе адказваць актыўны атмасферны фронт з Балтыйскага мора, які прынясе чарговую порцыю непагадзі. У большасці раёнаў прагназуюцца дажджы, навальніцы, моцныя ліўні. Ноччу і раніцай магчымы туман, вільготнасць паветра на ўзроўні 90 працэнтаў, вецер заходні, паўночна-заходні, парывісты, часам моцны. Тэмпература паветра ноччу ад 12 да 17 градусаў цяпла. Днём ад плюс 19 па паўночным захадзе да плюс 25 — па поўдні.
Паводле папярэдніх даных, у чацвер дажджы пройдуць у большасці раёнаў, магчымы навальніцы, вецер паўночна-заходні, парывісты. Ноччу і раніцай месцамі туман, захаваецца высокая вільготнасць паветра. Ноччу будзе ад плюс 13 да плюс 17 градусаў, днём ад 15 па поўначы і ўсяго да 21 — па паўднёвым усходзе. 
Выхадныя таксама не парадуюць сонечным надвор’ем. У пятніцу яно застанецца пад уплывам вільготных няўстойлівых мас, якія прынясуць лакальныя кароткачасовыя дажджы. Будзе воблачна з праясненнямі, парывісты вецер. Ноччу ад 9 да 15 цяпла, днём ад плюс 17 у паўночных раёнах да 22 — у паўднёвых.
У суботу захаваецца няўстойлівае надвор’е, якое будзе вызначаць зона высокага ціску і паветра Балтыкі. Чакаецца пераменная воблачнасць, дажджы пройдуць лакальна, вецер будзе заходні, умераны, а вільготнасць складзе да 70 працэнтаў. Тэмпература ноччу будзе каля 12 цяпла, днём ад плюс 18 па поўначы і да 23 — па поўдні.
Апошні дзень тыдня захавае халаднаватае з кароткачасовымі, навальнічнымі дажджамі надвор’е. Ноччу будзе ад плюс 12 да плюс 17 градусаў, днём ад плюс 17 па паўночным захадзе да 25 цяпла — у паўднёвых раёнах краіны.
Больш актуальнай і цікавай інфармацыі аб надвор’і глядзіце ў праграме АНТ «Метэагід» на videobel.by.
