Жывая музыка, кірмашы і вулічныя перформансы: святочная атмасфера пануе на вуліцах фестывальнага Віцебска
16 ліпеня, Віцебск . Святочная атмасфера пануе ў горадзе напярэдадні ўрачыстага адкрыцця юбілейнага ХХXV Міжнароднага фестывалю мастацтваў «Славянскі базар у Віцебску». На працягу ўсяго дня 15 ліпеня на розных пляцоўках праходзілі канцэрты, мюзікл і спектакль, адкрываліся выставы.
Мерапрыемствы ў фестывальным Віцебску не спыняюцца нават вечарам. Тысячы гасцей гуляюць па вуліцах горада, каб пранікнуцца святочнай атмасферай. Мноства вулічных музыкантаў даюць імправізаваныя жывыя канцэрты, мастакі малююць для жадаючых партрэты, тут жа можна зрабіць і фота на памяць з «жывымі статуямі» ў самых разнастайных вобразах.
Таксама ўжо некалькі дзён у Віцебску працуе кірмаш «Славянскі калейдаскоп», які ў гэтым годзе сабраў больш за 100 удзельнікаў з Беларусі, Расіі, Індыі. Гасцей чакае сапраўднае свята рамёстваў: мастацкая кераміка, стыльнае адзенне, эксклюзіўная біжутэрыя, тавары для дома і вырабы народных промыслаў.
А з надыходам цемнаты ўключаецца ўнікальная маляўнічая ілюмінацыя: пяцікіламетровае «зорнае неба» — на вуліцы Суворава, святлодыёдныя васількі — на праспекце Фрунзэ, а таксама мноства незвычайных святлодыёдных канструкцый. 
Фота Яна Гарбанюка
