Азімы ячмень у Беларусі ўбраны на 28 працэнтах плошчаў
Фота з архіва 8 ліпеня, Мінск . Азімы ячмень у Беларусі ўбраны на 28 працэнтах плошчаў, паведамілі ў прэс-службе Міністэрства сельскай гаспадаркі і харчавання.
Паводле аператыўных даных на 8 ліпеня, намалочана 294 тыс. т, сярэдняя ўраджайнасць азімага ячменю — 42 ц/га. У разрэзе абласцей намалочана: Брэсцкая — 115 тыс. т, Гродзенская — 81 тыс. т, Гомельская — 64 тыс. т, Мінская — 26 тыс. т, Магілёўская — 7 тыс. т, Віцебская — менш за 1 тыс. т.
Скошана траў першым укосам на плошчы 1 млн 380 тыс. га, што складае 99 працэнтаў ад плана ў памеры 1 млн 390 тыс. га. Убрана траў — 98 працэнтаў ад скошанага. Скошана траў другім укосам на плошчы 354 тыс. га, што складае 35 працэнтаў ад плана ў памеры 1 млн 10 тыс. га.
Нарыхтавана сена 320 тыс. т — 45 працэнтаў ад плана. Сенажу — 9 млн 245 тыс. т, што складае 65 працэнтаў ад плана ў памеры 14 млн 309 тыс. т. У разрэзе абласцей нарыхтавана: Мінская — 2 млн 290 тыс. т (65 працэнтаў ад плана), Брэсцкая — 1 млн 634 тыс. т (54 працэнты ад плана), Гродзенская — 1 млн 612 тыс. т (60 працэнтаў ад плана), Магілёўская — 1 млн 386 тыс. т (83 працэнты ад плана), Віцебская — 1 млн 205 тыс. т (63 працэнты ад плана), Гомельская — 1 млн 119 тыс. т (73 працэнты ад плана).
Сіласу нарыхтавана 283 тыс. т, што складае 1 працэнт ад плана ў памеры 20 млн 519 тыс. т. Травяных кармоў нарыхтавана 2 млн 826 тыс. т кармавых адзінак, што складае 28 працэнтаў ад плана ў памеры 10 млн 131 тыс. т.
Выцераблена лёну на плошчы 4 тыс. га, што складае 10 працэнтаў запланаваных плошчаў.
