На саміце НАТА ў Анкары абмяркуюць інвестыцыі ў магчымасці ядзернага стрымлівання
Фота Агенцтва Анадалу 28 чэрвеня, Мінск /Кар. БЕЛТА/. Краіны НАТА на бліжэйшым саміце альянсу ў Анкары абмяркуюць інвестыцыі ў магчымасці ядзернага стрымлівання. Аб гэтым паведаміў журналістам міністр нацыянальнай абароны Польшчы Уладзіслаў Касіняк-Камыш.
«На апошняй сустрэчы міністраў абароны краін НАТА мы прынялі рашэнне. Было выразна заяўлена, што альянс будзе інвесціраваць у магчымасці ядзернага стрымлівання. Гэта вельмі важна і будзе пацверджана на саміце НАТА», — прыводзяцца словы міністра ў паведамленні Міністэрства абароны Польшчы ў сацыяльнай сетцы X.
Саміт НАТА ў Анкары запланаваны на 7 і 8 ліпеня.-0-
