З акцэнтам на якасці. Кушнарэнка расказаў аб ходзе нарыхтоўкі кармоў у Мінскай вобласці
Аляксей Кушнарэнка 17 чэрвеня, Мінск . Аб ходзе нарыхтоўкі кармоў у Мінскай вобласці расказаў журналістам старшыня Мінскага аблвыканкама Аляксей Кушнарэнка па выніках даклада кіраўніку дзяржавы,
Асноўнай тэмай даклада Прэзідэнту стала сітуацыя ў аграпрамысловым комплексе Мінскай вобласці. Кіраўнік дзяржавы дэталёва, з асобым акцэнтам на якасці, распытаў старшыню Мінаблвыканкама аб тым, як ідзе нарыхтоўка кармоў. «Мы практычна завяршылі першы ўкос траў з плошчы 290 тыс. га. Паўднёвыя рэгіёны пачалі ўжо другі ўкос. Усяго па годзе нам неабходна нарыхтаваць 140 тыс. т сена, 4,5 млн т сіласу, 3,5 млн т сенажу. З гэтых 3,5 млн 1,5 млн мы ўжо нарыхтавалі. Гэта найбольшая на сённяшні дзень у краіне лічба. Калі гаварыць пра кармавыя адзінкі, то іх ужо звыш шасці на адну ўмоўную галаву. А ў мінулым годзе на гэты перыяд было чатыры», — расказаў Аляксей Кушнарэнка.
Пры гэтым Прэзідэнтам быў пастаўлены акцэнт на якасці кармоў. «Ёсць тэмп, ёсць аб’ёмы. Але калі гэтыя кармы будуць неналежнай якасці, то мы проста будзем труціць жывёлу і паўтараць негатыўны вопыт, які, на жаль, быў і ў Мінскай вобласці. Мы гэта прызнаём і робім усё для таго, каб гэта выправіць», — падкрэсліў старшыня Мінаблвыканкама.
Таксама ад кіраўніка дзяржавы прагучаў пасыл аб тым, каб як мага больш кармоў нарыхтоўваць у поліэтыленавую плёнку. «Звыш 24 тыс. т мы нарыхтавалі менавіта ў поліэтылен. Да тых 271 прэс-падборшчыка, якія ёсць у Мінскай вобласці, мы стварылі 7 механізаваных атрадаў на базе аграсэрвісаў. Гэта яшчэ адно даручэнне Прэзідэнта — адраджэнне так званых сельгастэхнік у нашай краіне. Яны маюць неабходнае абсталяванне і спецыялістаў для таго, каб якасна і хутка нарыхтаваць кармы. А кармы — аснова жывёлагадоўлі і высокіх вынікаў у гэтым 
Ён таксама звярнуў увагу на тое, што аграсэрвісы на сённяшні дзень ёсць практычна ва ўсіх раёнах Мінскай вобласці ў тым ці іншым функцыянале, за выключэннем Лагойскага, Вілейскага, Барысаўскага і Пухавіцкага раёнаў. «У вобласці выпрацаваны адпаведны план на бягучы год, і мы плануем у гэтых раёнах адрадзіць аграсэрвісы, а існуючыя аснасціць неабходным функцыяналам для таго, каб яны маглі выконваць увесь спектр паслуг для бліжэйшых гаспадарак», — сказаў кіраўнік рэгіёна.
«У Мінскай вобласці на сённяшні дзень ёсць усё неабходнае для паступальнага і эфектыўнага руху наперад. Мы разумеем значэнне Мінскай вобласці для рэспублікі. Удзельная вага рэгіёна ў раслінаводстве і жывёлагадоўлі краіны — больш як 25 працэнтаў. У аграпрамысловага комплексу Міншчыны ёсць усё неабходнае для таго, каб якасна і ва ўстаноўленыя Прэзідэнтам тэрміны выконваць пастаўленыя задачы», — рэзюмаваў Аляксей Кушнарэнка.
