ЗША ў перагаворах з Іранам хочуць засяродзіцца на ядзернай праграме — CNN
Фота з архіва Агенцтва Анадалу 14 верасня, Мінск /Кар. БЕЛТА/. ЗША хочуць у перагаворах з Іранам вярнуцца да абмеркавання ядзернай праграмы ісламскай рэспублікі. Аб гэтым паведамляе ТАСС са спасылкай на тэлекампанію CNN.
Як паведамляе крыніца тэлекампаніі, службовыя асобы адміністрацыі прэзідэнта ЗША Дональда Трампа ў прыватных размовах з прадстаўнікамі краін Персідскага заліва сказалі, што Вашынгтон хацеў бы «зрушыць фокус любых будучых перагавораў на ядзерную праграму Тэгерана замест аднаўлення суднаходства праз (Армузскі. — Заўвага БЕЛТА) праліў.»
У сваю чаргу прадстаўнікі Ірана далі зразумець, што Тэгеран будзе адкрыты для абмеркавання ядзернай праграмы толькі пасля ўрэгулявання пытання з Армузскім пралівам, у тым ліку зняцця амерыканскай блакады марскіх партоў ісламскай рэспублікі.
ЗША і Ізраіль пачалі ваенную аперацыю супраць Ірана 28 лютага. У чэрвені Вашынгтон і Тэгеран падпісалі мемарандум аб узаемаразуменні, які прадугледжвае неадкладнае спыненне баявых дзеянняў на ўсіх франтах, у тым ліку ў Ліване. Але ў ноч на 8 ліпеня ЗША аднавілі маштабныя ўдары па Іране, абвінаваціўшы яго ў парушэнні ўмоў дасягнутых дамоўленасцей у частцы, якая датычыцца Армузскага праліва. Затым адміністрацыя ЗША сігналізавала аб спыненні прымянення маштабнай ваеннай сілы супраць Ірана і пераходзе да спробы яго эканамічнага ўдушэння пры дапамозе санкцый.-0-
