Збожжавыя і зернебабовыя культуры ў Беларусі ўбраны з 18% плошчы
24 ліпеня, Мінск . Збожжавыя і зернебабовыя культуры ў Беларусі ўбраны з 18% плошчы. Аб гэтым паведамілі ў прэс-службе Мінсельгасхарча.
«Паводле аператыўных даных на 24 ліпеня, збожжавыя і зернебабовыя культуры (без кукурузы, грэчкі і проса) убраны з 18% плошчы, што складае 359 тыс. га ад плана ў памеры 2002 тыс. га. Намалочана збожжа 1453 тыс. т, сярэдняя ўраджайнасць — 40,4 ц/га», — расказалі ў прэс-службе.
У разрэзе абласцей атрымана: у Брэсцкай — 378 тыс.т, Мінскай — 359 тыс.т, Гродзенскай — 286 тыс.т, Гомельскай — 229 тыс.т, Магілёўскай — 126 тыс.т, Віцебскай — 75 тыс.т.
Азімы рапс на зерне ўбраны на 197 тыс. га (45% планавай плошчы 441 тыс. га.). Намалочана 495 тыс. т ураджайнасцю 25,1 ц/га, што на 4 ц/га вышэй за мінулагодні.
Выцераблена лёну на 21 тыс. га, што складае 48% запланаванай плошчы. «Церабленне лёну ідзе тэмпамі, якія больш чым у два разы перасягаюць мінулагоднія, дынаміка захоўваецца ўсімі абласцямі», — адзначылі ў прэс-службе.
У лік дзяржзаказу пастаўлена: харчовага збожжа — 24 тыс. т (4% ад плана 663 тыс.т), алейнага семя рапсу — 33 тыс.т (33% ад плана 100 тыс. т), піваварнага ячменю — 13 тыс. т (15% ад плана 86 тыс. т).
Скошана траў другім укосам на плошчы 634 тыс. га, што складае 63% ад плана.
Нарыхтавана сена 403 тыс.т (56% ад плана), сіласу — 339 тыс. т (больш як 1% ад плана), травяных кармоў — 3 млн 290 тыс. т кармавых адзінак (32% ад плана), сенажу — 10 млн 677 тыс. т (75% ад плана).
Наяўнасць мінеральных угнаенняў (азотных, фосфарных, калійных) пад азімую сяўбу — 177 тыс. т дзеючага рэчыва (102% да плана).
