У добраўпарадкаванне Будслава з пачатку года ўкладзена 1,3 млрд рублёў з мясцовага бюджэту — Кушнарэнка
3 ліпеня, Будслаў . У добраўпарадкаванне Будслава з пачатку года ўкладзена 1,3 млн рублёў з мясцовага бюджэту, паведаміў журналістам старшыня Мінскага абласнога выканаўчага камітэта Аляксей Кушнарэнка,
«Безумоўна, касцёл Успення Прасвятой Дзевы Марыі — унікальнае месца, і яно павінна быць у ліку маршрутаў не толькі паломнікаў, але і турыстаў. А для гэтага трэба ствараць адпаведныя ўмовы, што і робяць мясцовыя органы ўлады, займаючыся добраўпарадкаваннем гэтага населенага пункта», — сказаў Аляксей Кушнарэнка. 
Паводле яго слоў, толькі ў бягучым годзе быў устаноўлены новы ўязны знак з боку вёскі Палессе, устаноўлены малыя архітэктурныя формы, добраўпарадкаваны тратуары, асфальтаваны дарогі, устаноўлена дзіцячая гульнявая пляцоўка, уладкавана аўтастаянка.
Такім чынам, за мінулы перыяд 2026 года ў аграгарадку Будслаў выкананы работы па добраўпарадкаванні на агульную суму 1362,7 тыс. рублёў за кошт сродкаў мясцовага бюджэту.
Прадаўжаецца рэканструкцыя касцёла. На гэтыя мэты з фонду Прэзідэнта выдзелена амаль 270 тыс. рублёў. Цяпер ідуць пошукавыя і праектныя работы. «Такім чынам, органы ўлады разам з царквой робяць усё неабходнае, каб развіваць гэты ўнікальны аб’ект і ўмацоўваць міжканфесіянальны мір і згоду», — сказаў Аляксей Кушнарэнка. 
Касцёл Успення Прасвятой Дзевы Марыі ў Будславе (1783 год) вызначаны Рымска-каталіцкай царквой як нацыянальны духоўны цэнтр каталіцызму ў Беларусі. З’яўляецца помнікам архітэктуры і ўнесены ў спіс гісторыка-культурнай спадчыны Беларусі як гісторыка-культурная каштоўнасць «Комплекс былога кляштара бернардзінцаў» 1-й катэгорыі. 
Абраз Будслаўскай Божай Маці, які знаходзіцца ў касцёле, — адна з самых шануемых каталіцкіх святынь Беларусі. Штогод у пачатку ліпеня тут праходзіць рэлігійнае свята ў гонар абраза Маці Божай Будслаўскай.
На 13-й сесіі Міжурадавага камітэта па ахове нематэрыяльнай культурнай спадчыны ЮНЕСКА ў горадзе Порт-Луі (Маўрыкій) 28 лістапада 2018 года было прынята рашэнне аб уключэнні беларускага элемента нематэрыяльнай культурнай спадчыны «Урачыстасць у гонар шанавання Абраза Маці Божай Будслаўскай» у Рэпрэзентатыўны спіс нематэрыяльнай культурнай спадчыны чалавецтва.
У гэтым годзе Будслаўскі фэст праходзіць 2-4 ліпеня і з’яўляецца цэнтрам прыцягнення паломнікаў з усёй Беларусі. 
Фота Таццяны Матусевіч
