Да ўдзелу запрашаюцца ўсе. У Мінску адновяць музычны праект «Пешаходка»
Фота з архіва 7 мая, Мінск . У Мінску адновяць музычны праект «Пешаходка». Аб гэтым БЕЛТА паведамілі ў прэс-службе Мінгарвыканкама.
Ён будзе рэалізаваны ў рамках летняга музычна-турыстычнага сезона, які пачнецца 23 мая.
Творчыя калектывы і сольныя выканаўцы змогуць выступіць на вулічных пляцоўках горада. Для гэтага неабходна запоўніць заяўку і атрымаць адпаведны дазвол.
«Мы запрашаем да ўдзелу ўсіх грамадзян, якія хочуць паказаць сваё майстэрства на вуліцах Мінска. Азнаёміцца з палажэннем можна на сайце Мінгарвыканкама, там названы ўмовы ўдзелу і вызначаны лакацыі, дзе будзе дазволена выступаць вулічным музыкантам», — адзначыла начальнік упраўлення культуры Мінгарвыканкама Кацярына Лучына.
Асноўнай лакацыяй для выступлення вулічных музыкантаў стане пляцоўка каля Палаца спорту, а таксама пляцоўкі раёнаў сталіцы.
