Ва ўрадзе разгледзелі магчымасці для нарошчвання тавараабароту Беларусі і Расіі
25 чэрвеня, Мінск . Прэм’ер-міністр Беларусі Аляксандр Турчын і віцэ-прэм’ер Расіі Аляксей Авярчук разгледзелі актуальныя пытанні ўзаемнага супрацоўніцтва і абмеркавалі рост тавараабароту,
«У прынцыпе, усе пытанні ў нас маюць рабочы характар. Але тым не менш ёсць неабходнасць абмеркаваць шэраг пытанняў, — адзначыў Аляксандр Турчын. — Тавараабарот расце такімі тэмпамі, што мы чарговы раз будзем на пасяджэнні Вышэйшага дзяржаўнага савета дакладваць аб рэкордах нашым прэзідэнтам. І заўсёды прыемна з калегамі працаваць, таму што ўзровень прафесіяналізму і разумення заўсёды заслугоўвае вялікай павагі».
Аляксей Авярчук падкрэсліў, што дэлегацыя з Расійскай Федэрацыі знаходзіцца ў Беларусі ў рамках Форуму рэгіёнаў. «Гэта наша важнейшае мерапрыемства, якое дае магчымасць людзям больш цесна ўзаемадзейничаць. Гэта заўсёды добрая магчымасць сустрэцца са старымі сябрамі, заключыць розныя кантракты і дагаворы, а рэгіёны развіваюць сувязі паміж сабой», — звярнуў увагу ён.
На думку віцэ-прэм’ера, Беларусь і Расія могуць у гэтым годзе разлічваць на тавараабарот $70 млрд. «У нас усё нядрэнна развіваецца. Ёсць, вядома, пытанні, але гэтыя пытанні больш маюць ужо, напэўна, тэхнічны характар. Сёння якраз іх абмяркуем», — падкрэсліў Аляксей Авярчук.
