Трэцяе пасяджэнне VII Усебеларускага народнага сходу пройдзе ў Мінску 17-18 снежня 2026 года
Фота з архіва 14 верасня, Мінск . Трэцяе пасяджэнне VII Усебеларускага народнага сходу пройдзе ў Мінску 17-18 снежня 2026 года. Гэта прадугледжана распараджэннем, якое падпісаў Старшыня УНС Аляксандр Лукашэнка, паведамілі у прэс-службе беларускага лідара.
Пасяджэнне УНС у канстытуцыйным статусе з 2024 года праходзіць штогод. Бягучы год для УНС з’яўляецца юбілейным — спаўняецца 30 гадоў з даты правядзення першага сходу ў кастрычніку 1996 года.
Усебеларускі народны сход — вышэйшы прадстаўнічы орган народаўладдзя Рэспублікі Беларусь, які вызначае стратэгічныя напрамкі развіцця грамадства і дзяржавы, забяспечвае непахіснасць канстытуцыйнага ладу, пераемнасць пакаленняў і грамадзянскую згоду.
