Тхэквандысты Белавы і Курылёнак перамаглі на турніры ў Германіі
Мікіта Белавы і Настасся Курылёнак. Фота Мінспорту 21 верасня, Мінск . Беларускія спартсмены заваявалі адзінаццаць узнагарод міжнароднага турніру па тхэквандо Germany Open у Гамбургу,
У актыве нашай каманды два залатыя, тры сярэбраныя і шэсць бронзавых медалёў. Сярод дарослых атлетаў перамогу ў вазе да 54 кг атрымаў Мікіта Белавы, які па ходу турніру нанёс паражэнні прадстаўнікам Германіі, Вялікабрытаніі і Гвінеі. У паўфінале Белавы адолеў суайчынніка Ягора Казлова, які стаў у выніку трэцім.
У юніёрак золата ў катэгорыі да 63 кг заваявала беларуска Настасся Курылёнак, якая прайшла равесніц са Швецыі, Сенегала і Бельгіі. Таксама ў заліку-U18 другія месцы ў сваіх катэгорыях занялі нашыя Багдан Аліеў (да 78 кг), Дзіяна Толкіна (да 46 кг) і Арына Жук (да 59 кг).
На трэцюю прыступку п’едэстала падняліся юніёры Ігнат Арцямчук (да 45 кг), Ягор Шчарбачэня, Мікіта Дзехцярэвіч (абодва — да 63 кг), Раман Дудко (звыш 88 кг) і Ульяна Міхеенка (да 68 кг). Усяго прызёрамі турніру сталі тхэквандысты з 40 краін, каманда Беларусі размясцілася на сёмым радку ў агульным заліку.
