Турчын: Беларусь і Узбекістан ставяць перад сабой сур’ёзныя мэты па развіцці двухбаковага супрацоўніцтва
7 ліпеня, Мінск . Беларусь і Узбекістан перад сабой ставяць сур’ёзныя мэты па развіцці двухбаковага супрацоўніцтва. Аб гэтым заявіў прэм’ер-міністр Беларусі Аляксандр Турчын на сустрэчы з намеснікам прэм’ер-міністра Узбекістана Жамшыдам Хаджаевым,
Аляксандр Турчын падкрэсліў, што сустрэча праходзіць напярэдадні знакавай падзеі для двухбаковых адносін — афіцыйнага візіту Прэзідэнта Узбекістана Шаўката Мірзіёева. Заўтра адбудзецца пленарнае пасяджэнне ІІІ Форуму рэгіёнаў Беларусі і Узбекістана.
«Мерапрыемства абяцае быць багатым на ўстанаўленне новых партнёрстваў, падпісанне камерцыйных кантрактаў і міжрэгіянальных дакументаў. Таксама будзе дадзены старт правядзенню Дзён культуры Узбекістана ў Беларусі, якія дадуць магчымасць беларусам акунуцца ў атмасферу культуры Узбекістана», — адзначыў Аляксандр Турчын.
Гатовы да падпісання пакет дакументаў. «Вельмі сур’ёзныя ставім перад сабой мэты», — дадаў прэм’ер-міністр.
Аляксандр Турчын падзякаваў Жамшыду Хаджаеву за ўзаемадзеянне, інтэнсіўную работу ў складзе сумеснай міжурадавай камісіі па супрацоўніцтве паміж Рэспублікай Беларусь і Рэспублікай Узбекістан. Лічбы сведчаць самі за сябе, і маючы адбыцца візіт Прэзідэнта Узбекістана Шаўката Мірзіёева надасць чарговы імпульс двухбаковым адносінам.
«Сур’ёзная планка $2 млрд узаемнага тавараабароту да 2030 года, упэўнены, будзе дасягнута, як і па выніках бягучага года рубеж $1 млрд павінны пераадолець», — сказаў Аляксандр Турчын.
На парадку дня сустрэчы — ключавыя напрамкі развіцця беларуска-ўзбекскага ўзаемадзеяння. Асаблівая ўвага ўдзелена пытанням прамысловай кааперацыі, развіццю супрацоўніцтва ў сферы сельскай гаспадаркі, а таксама перспектывам рэалізацыі новых сумесных інвестыцыйных праектаў з удзелам узбекскага капіталу. 
Фота Мікалая Пятрова
