Беларуска-ўзбекскі міжпарламенцкі форум пройдзе ў горадзе Хіва ў канцы верасня
15 ліпеня, Мінск . Беларуска-ўзбекскі міжпарламенцкі форум пройдзе ў канцы верасня ў горадзе Хіва (Узбекістан). Аб гэтым ішла размова на першым пасяджэнні арганізацыйнага камітэта па падрыхтоўцы форуму, якое прайшло ў Савеце Рэспублікі,
На пасяджэнні, якое прайшло пад кіраўніцтвам старшыні Савета Рэспублікі Наталлі Качанавай, абмяркоўвалася праграма маючага адбыцца форуму. «У першы дзень плануецца правесці тэматычныя сесіі, на якіх будуць разгледжаны найбольш актуальныя напрамкі нашага супрацоўніцтва. Нараўне з традыцыйнымі тэмамі эканомікі, турызму і сацыяльнай сферы прапануецца зрабіць акцэнт на пытаннях вытворчай кааперацыі і імпартазамяшчэння, лагістыкі, меліярацыі і водакарыстання, а таксама прафесійнай падрыхтоўкі кадраў. Таксама пройдзе пасяджэнне міжпарламенцкай камісіі па супрацоўніцтве паміж Саветам Рэспублікі і Сенатам Олій Мажліса Узбекістана», — расказаў намеснік старшыні Савета Рэспублікі Ігар Брылевіч.
Акрамя таго, праграма форуму прадугледжвае сустрэчу кіраўнікоў органаў мясцовага самакіравання, а таксама сумеснае мерапрыемства маладзёжных саветаў. «На другі дзень традыцыйна плануецца пленарнае пасяджэнне. Будзе арганізавана культурная праграма, а таксама выстаўка прадукцыі дзвюх краін», — адзначыў Ігар Брылевіч.
Старшыня Пастаяннай камісіі Савета Рэспублікі па міжнародных справах і нацыянальнай бяспецы Сяргей Алейнік указаў, што ў рамках міжпарламенцкага форуму таксама пройдзе Беларуска-ўзбекскі жаночы бізнес-форум. «Мы тройчы праводзілі гэтыя форумы. Яны даказалі сваю рэзультатыўнасць, важнасць і запатрабаванасць для ўмацавання і паглыблення беларуска-ўзбекскіх адносін. Вынікам першых трох форумаў стала падпісанне каля 60 кантрактаў на агульную суму амаль 500 млн рублёў і значнага пакета двухбаковых пагадненняў і мемарандумаў аб узаемадзеянні як на рэгіянальным узроўні, так і па лініі ўстаноў адукацыі, аховы здароўя і грамадскіх арганізацый», — падкрэсліў Сяргей Алейнік.
Ён дадаў, што рэзультатыўнасць папярэдніх форумаў плануецца захаваць і пры правядзенні новага мерапрыемства, якое павінна прайсці ў канцы верасня ў горадзе Хіва (Узбекістан).
Фота Мікалая Пятрова
