Спалучэнне залатой восені і бабінага лета. Чаго чакаць ад надвор’я на наступным тыдні
27 верасня, Мінск . У Беларусі ў канцы верасня — пачатку кастрычніка чакаецца сухое і ўмерана цёплае надвор’е. Сіноптыкі абяцаюць спалучэнне залатой восені і бабінага лета. Такая інфармацыя агучана ў праграме «Метэагід» на тэлеканале АНТ, .
У панядзелак, 28 верасня, на надвор’е паўплывае вобласць высокага атмасфернага ціску. Толькі на паўднёвы усход і ўсход паўплывае атмасферны фронт, дзе і пройдуць кароткачасовыя дажджы. Пад раніцу прагназуецца слабы туман. Вецер заходні, умераны. Тэмпература паветра ноччу чакаецца ад 7 да 12 градусаў, днём — ад 13 па поўначы краіны да 19 па паўднёвым захадзе.
У аўторак захаваецца ўплыў вобласці высокага атмасфернага ціску. У гэты дзень будзе пераважаць воблачнае з праясненнем надвор’е, без істотных ападкаў. На крайнім паўднёвым усходзе Беларусі магчымы невялікія дажджы. Вецер пераменных напрамкаў, умераны. Вільготнасць — да 70%. Раніцай месцамі туман. Ноччу ад 6 да 11 цяпла, днём ад 13 градусаў па Гомельскай вобласці да 17 па Брэсцкай.
У сераду на надвор’е будзе ўплываць заходняя перыферыя антыцыклону з цэнтрам над паўночным захадам Расіі. Будзе пераважаць пераменная воблачнасць, без істотных ападкаў. Ноччу і раніцай месцамі туман, вільготнасць паветра высокая — да 90%. Вецер паўночны, парывісты. Ноччу чакаецца ад 5 да 10 цяпла, днём — ад 14 па Магілёўскай вобласці да 19 па Гродзенскай і Брэсцкай.
Паводле папярэдніх даных, у пачатку другой паловы тыдня ўмовы надвор’я прадоўжыць вызначаць вобласць высокага атмасфернага ціску. У чацвер захаваецца воблачнае з праясненнем надвор’е. У большасці раёнаў будзе без дажджоў. Ноччу і раніцай месцамі туман, вільготнасць паветра невысокая. Тэмпература ноччу складзе ад 4 да 9 градусаў. Днём слупкі тэрмометраў будуць паказваць ад 16 па паўночным усходзе краіны да 21 у Брэсцкай вобласці. 
У пятніцу надвор’е істотна не зменіцца. Яго прадоўжыць фарміраваць антыцыклон з цэнтрам над паўночным захадам Расіі. Будзе пераменная воблачнасць, у большасці раёнаў дажджы малаверагодны. Вецер усходні, паўднёва-ўсходні, умераны. Ноччу і раніцай месцамі туман, бачнасць да паўкіламетра. Ноччу прагназуецца ад 7 да 12 градусаў, днём — ад плюс 15 па Віцебскай вобласці да плюс 20 па Брэсцкай і Гродзенскай абласцях.
У першыя выхадныя кастрычніка чакаецца спакойнае і па асенніх мерках умерана цёплае і камфортнае надвор’е. У суботу будзе воблачна з праясненнямі, у большасці раёнаў абыдзецца без дажджоў. Вецер усходні, паўднёва-ўсходні, умераны. Вільготнасць — да 70%. Тэмпература ноччу чакаецца ад 5 да 10 цяпла, днём — ад 14 па ўсходзе Беларусі да 19 па захадзе.
У нядзелю надвор’е істотна не зменіцца, захаваецца ўплыў вобласці высокага атмасфернага ціску. Будзе пераменная воблачнасць, верагоднасць дажджоў невысокая. Ноччу і раніцай месцамі туман, бачнасць да паўкіламетра. Вецер паўднёвы, умераны. Ноччу тэмпература складзе ад плюс 4 да 9 градусаў. Днём паветра прагрэецца ад 14 да 19, па Брэсцкай вобласці — да 21 градуса.
Больш актуальнай і цікавай інфармацыі аб надвор’і глядзіце ў праграме АНТ «Метэагід» на videobel.by.
