Сем новых праектаў уключаны ў дзяржпраграму інавацыйнага развіцця Беларусі на 2026-2030 гады
Фота з архіва 26 мая, Мінск . Урадам пашыраны пералік рэспубліканскіх праектаў Дзяржаўнай праграмы інавацыйнага развіцця Беларусі на 2026-2030 гады. Адпаведную пастанову падпісаў прэм’ер-міністр Аляксандр Турчын, паведамілі ў прэс-службе ўрада.
У дзяржаўную праграму ўключана сем новых буйных інавацыйных праектаў. Напрыклад, у ААТ «Мінскі маторны завод» (філіял у горадзе Стоўбцы) будзе арганізавана рабатызаваная вытворчасць блокаў і галовак цыліндраў з лічбавым маніторынгам тэхналагічнага працэсу. ААТ «БАТЭ» будзе асвоена вытворчасць новага тыпаразмернага шэрага стартараў зменшанай матэрыялаёмістасці. Вытворчасць восей для аўтамабільнай тэхнікі з высокім тэхнічным узроўнем будзе наладжана ў ААТ «Магілёўскія гідрацыліндры і восі». Інавацыйная вытворчасць індустрыяльных будаўнічых маналітных каркасных будынкаў з прымяненнем зборных жалезабетонных канструкцый — на дзяржаўным прадпрыемстве «Віцебскі ДБК». Будуць рэалізаваны і іншыя праекты.
Рэалізацыя праектаў будзе забяспечана з уключэннем дзяржаўнай фінансавай падтрымкі са сродкаў інавацыйных фондаў, пры гэтым значную частку фінансавання складуць уласныя сродкі прадпрыемстваў і крэдытныя рэсурсы.
