Сасновіч завяршыла выступленне на US Open
Аляксандра Сасновіч. Фота Мінспорту 27 жніўня, Мінск . Беларуская тэнісістка Аляксандра Сасновіч не выйшла ў фінал кваліфікацыі адкрытага чэмпіянату ЗША,
У другім кваліфікацыйным раўндзе беларуска, якая займае 136-е месца ў рэйтынгу WTA, амаль за тры гадзіны ўступіла чэшскай тэнісістцы Вендуле Вальдманавай, у якой 165-я пазіцыя, — 7:5, 3:6, 1:6. На старце Сасновіч перамагла ў дзвюх партыях венгерскую тэнісістку Далму Галфі (157) — 7:6 (7:5), 6:3.
Раней турнір пакінулі яшчэ дзве беларускія тэнісісткі. Ірына Шымановіч (191) выбыла з барацьбы пасля матчу другога кваліфікацыйнага раўнда, а Алёна Фалей (222) завяршыла выступленне пасля першага паядынку.
Асноўны этап US Open пройдзе ў Нью-Ёрку з 30 жніўня па 13 верасня. Яго агульны прызавы фонд складзе рэкордныя $108 млн, чэмпіёны ў мужчынскім і жаночым адзіночным разрадзе атрымаюць па $5,5 млн. Год таму пераможцам жаночага турніру стала беларуска Арына Сабаленка, у мужчын выйграў іспанскі тэнісіст Карлас Алькарас.
