Самы магутны ў Беларусі трактар выпрабоўваюць у Баранавіцкім раёне
Фота МТЗ 22 мая, Мінск . Самы магутны ў Беларусі трактар BELARUS 5425 выпрабоўваюць у Баранавіцкім раёне, паведамілі ў прэс-службе МТЗ.
Тэхніка працуе на палях гаспадаркі «Крошын».
«Трактар МТЗ магутнасцю 500 к.с. працуе на палях нашай гаспадаркі ўжо амаль месяц. Прыбыў ён да нас практычна пад заканчэнне веснавой сяўбы, калі большасць плошчаў была засеяна. З-за гэтага вопытнаму механізатару Валерыю Пархановічу пакуль даводзіцца асвойваць цаліну і апрацоўваць тарфянікі. BELARUS 5425 займаецца узворваннем палёў, дзе некалькі гадоў запар раслі шматгадовыя травы, а таксама аднаўленнем балот. Магутнасці на 540 конскіх сіл хапае з запасам. Каб не патанаць у багне, трактар «абулі» ў поўныя спаркі — падвоеныя колы на абедзвюх восях. BELARUS цяжкі, але пакуль ні разу не праваліўся, глебу не «топча», — расказаў дырэктар ААТ «Крошын» Дзяніс Ефімовіч.
На поўную сілу тэхніка зможа праявіць сябе пазней — неабходны шыроказахватныя агрэгаты і прастор. Трактар будзе выпрабоўвацца ў гаспадарцы на працягу года. Як чакаецца, патэнцыял машыны раскрыецца ў час масавай уборкі.
«Што датычыцца работы, то да камфорту ў механізатара пытанняў няма. А вось электроніку спецыялісты прадаўжаюць настройваць. Гаспадарка трымае пастаянную сувязь з вытворцам: прадстаўнікі МТЗ прыязджаюць на месца, перапраграмоўваюць блокі і аналізуюць паводзіны тэхнікі», — дадаў дырэктар ААТ «Крошын».
Агульны зямельны фонд гаспадаркі складае амаль 14 тыс. га.
