Рэгуляторыка ў крыптасферы і адукацыйны трэк. Актуальныя пытанні работы ПВТ разгледзелі ва ўрадзе
29 чэрвеня, Мінск . Пасяджэнне Наглядальнага савета Парка высокіх тэхналогій (ПВТ) пад старшынствам прэм’ер-міністра Аляксандра Турчына прайшло ва ўрадзе,
Ключавы блок парадку дня пасяджэння прысвечаны фарміраванню паўнацэннай прававой базы для функцыянавання крыптабанкаў і пашырэнню крыптаюрысдыкцыі.
«Асноўная тэма — гэта рэгуляторыка ў крыптасферы. Літаральна праз некалькі дзён уступаюць у сілу палажэнні ўказа кіраўніка дзяржавы аб крыптабанках. Таму на разгляд Наглядальнага савета вынесены праекты дакументаў, якія рэгламентуюць асобныя аспекты іх дзейнасці. У прыватнасці, прапануецца вызначыць патрабаванні да правіл унутранага кантролю, а таксама патрабаванні да заяўнікаў, якія плануюць ажыццяўляць дзейнасць крыптабанка і іх бізнес-праектаў», — адзначыў Аляксандр Турчын.
Важным рашэннем стане ўвядзенне новага віду дзейнасці — KYT-правайдараў (ад англ. Know Your Transaction («Ведай сваю транзакцыю») — тэхналогія аналізу фінансавых транзакцый у рэжыме рэальнага часу з мэтай выяўлення падазронай актыўнасці і ацэнкі звязаных з імі рызык. — Заўвага ), што неабходна для забеспячэння бяспекі сектара, адпаведнасці міжнародным стандартам і развіцця айчынных тэхналагічных рашэнняў, пры гэтым крыптабанкі атрымаюць магчымасць паўнацэнна абслугоўваць знешнеэканамічную дзейнасць.
На пасяджэнні Наглядальнага савета ПВТ разгледжаны блок пытанняў, якія датычацца развіцця стартап-экасістэмы і адукацыйных ініцыятыў. Таксама разгледжана пытанне аб выдзяленні грантаў і стыпендый студэнтам і выкладчыкам, якія ўжо маюць практычныя камерцыялізаваныя рашэнні ў сферы высокіх тэхналогій.
Фота Віталя Піваварчыка
