Ратавальнікі папярэдзілі аб магчымай небяспецы ў час спякоты, ліўня і шквалістага ветру
Фота з архіва 2 ліпеня, Мінск . У МНС папярэдзілі аб фактарах небяспекі ў час спякоты, ліўня і шквалістага ветру. Аб гэтым са спасылкай на выратавальнае ведамства.
2 ліпеня на большай частцы тэрыторыі чакаюцца навальніцы, месцамі будуць моцныя ліўні і шквалістае ўзмацненне ветру парывамі 15-20 м/с. У дзённы час па паўднёва-ўсходняй палавіне рэспублікі максімальная тэмпература паветра ўздымецца да 33 градусаў.
Пры такім надвор’і магчымы адключэнне электраэнергіі з-за перагрэву трансфарматарнага абсталявання, дэфармацыя асфальтавага пакрыцця і павелічэнне колькасці ДТЗ, аварыі на чыгуначным транспарце з-за дэфармацыі рэек, узнікненне ачагоў прыродных пажараў з распаўсюджваннем агню на населеныя пункты, лініі ЛЭП і сувязі. Таксама павялічваюцца рызыкі захваральнасці на інфекцыйныя і паразітарныя захворванні, абвастрэння сардэчна-сасудзістых хвароб, высокая верагоднасць цеплавых удараў і гібелі людзей на вадзе пры купанні.
Акрамя таго, магчыма пашкоджанне або разбурэнне слаба ўмацаваных канструкцый, дахаў будынкаў і збудаванняў, падзенне дрэў, падтапленне асобных дамоў, гаспадарчых пабудоў, агародаў, сельгасугоддзяў і аўтадарог мясцовага значэння.
