«Дэфіцыту паліва няма». У «Беларуснафце» абверглі фэйкі аб лімітах на бензін
Фота з архіва 18 ліпеня, Гомель . Дэфіцыту паліва на АЗС «Беларуснафты» няма. Аб гэтым заявілі на прадпрыемстве, каменціруючы інфармацыю, якая з’явілася ў Сетцы, аб увядзенні ліміту на водпуск паліва ў прыгранічных рэгіёнах, .
У прыватнасці, размова ішла аб АЗС у Віцебскай вобласці за два кіламетры ад граніцы з Пскоўскай вобласцю, дзе нібыта не адпускаюць больш за 20 літраў паліва.
На прадпрыемстве афіцыйна заявілі, што такія паведамленні, якія распаўсюджваюцца ў інтэрнэт-прасторы, не маюць падстаў: «Дэфіцыту паліва на нашых АЗС няма».
Пры гэтым на прыгранічных АЗС Віцебскай вобласці ёсць адзінае новаўвядзенне. «Яно звязана з неабходнасцю спачатку аплаціць паліва, а потым заправіцца. У астатнім – усё як звычайна», – падкрэсліў намеснік генеральнага дырэктара кампаніі Сяргей Каморнікаў.
У кампаніі просяць кліентаў быць пільнымі і давяраць інфармацыі толькі афіцыйных медыя.
