Пастаянны прадстаўнік пры АБСЕ ў Вене: Беларусь расцэньвае як акт тэрарызму ўдар дрона па аўтобусе ў Бранскай вобласці
Фота МЗС 18 чэрвеня, Мінск . Беларусь расцэньвае як акт тэрарызму супраць мірнага насельніцтва ўдар дрона па грамадзянскім аўтобусе ў Бранскай вобласці. Аб гэтым заявіў пастаянны прадстаўнік Беларусі пры АБСЕ ў Вене Андрэй Дапкюнас, выступаючы на штогадовай канферэнцыі АБСЕ па агляду праблем у галіне бяспекі, са спасылкай на беларускае знешнепалітычнае ведамства.
Дэлегацыя Беларусі рашуча асуджае атаку на аўтобус з дзецьмі, падкрэсліў Андрэй Дапкюнас: «Мы расцэньваем яе як акт тэрарызму супраць мірнага насельніцтва. Беларусь чакае неадкладнага і адказнага расследавання гэтай трагедыі. Дзве гадзіны таму Прэзідэнт Беларусі заявіў, што «мы не спяшаемся рабіць нейкія высновы, але мы канстатуем, што гэта беспілотны апарат украінскага паходжання. Гэта ўкраінскі беспілотнік… Калі нехта правакуе і спрабуе ўцягнуць Беларусь у вайну, гэта дрэнна павернецца тым, хто спрабуе гэта зрабіць».
Была звернута ўвага, што ў МЗС Беларусі 18 чэрвеня выкліканы часовы павераны ў справах Украіны.
«У Бранскай вобласці Расіі ўдарны дрон украінскага паходжання атакаваў грамадзянскі аўтобус. Аўтобус перавозіў на адпачынак з Рэчыцы ў Геленджык 44 грамадзяніны Беларусі, 28 з якіх дзеці. У гэтым аўтобусе знаходзілася дзіцячая футбольная каманда. У выніку атакі загінула грамадзянка Беларусі. Мы шчыра смуткуем аб загінулай. Восем чалавек, шэсць з якіх дзеці, атрымалі раненні рознай ступені цяжкасці. Адно дзіця да гэтага часу знаходзіцца ў рэанімацыі», — расказаў пастаянны прадстаўнік.
«Заклікаем дзяржавы — удзельніцы АБСЕ даць прынцыповую ацэнку здарэнню, перастаць падсілкоўваць і без таго выбухованебяспечную абстаноўку ў рэгіёне, напаўняючы яго ўзбраеннямі і правакацыйнымі заявамі, — падкрэсліў Андрэй Дапкюнас. — Мы прапануем пачаць выкарыстоўваць АБСЕ ў адпаведнасці з тымі задачамі, для якіх арганізацыя і стваралася. Мы пацвярджаем цвёрдую пазіцыю Беларусі аб неабходнасці хутчэйшага мірнага дыпламатычнага ўрэгулявання канфлікту ва Украіне».
Дыпламат выказаўся адносна некаторых правакацыйных заяў, якія прагучалі ў зале, асабліва з боку балтыйскіх суседзяў Беларусі, на тэмы, па якіх неаднаразова і падрабязна беларускім бокам былі дадзены каментарыі ў зале пастаяннага савета. «Паважаныя калегі, вашы разлікі на тое, каб перамагчы, вырошчваючы штучны вобраз ворага, робячы стаўку на татальную дэманізацыю апанента, з лёгкасцю і на хаду навешваючы ярлыкі гібрыдных пагроз, усё гэта — шлях у нікуды. Нам сумна чуць рэгулярныя, зробленыя як пад капірку заклінанні заходніх дэлегацый аб неабходнасці справядлівага міру ва Украіне. Атрыбут «справядлівы» — гэта тое, што забівае магчымасць дасягнення рэальнага міру ва Украіне. Давайце спрабаваць пазбавіцца ад выкарыстання пустых слоў, якія нічога не значаць», — заклікаў пастаянны прадстаўнік Беларусі.
«Нам сумна чуць пра вашы марныя надзеі на знясіленне і паражэнне Расіі, чуць абсурдныя фантазіі аб рэпарацыях і трыбуналах. Вы сур’ёзна верыце ў рэальнасць перамогі ў проксі-вайне над ядзернай звышдзяржавай? Вы проста гуляеце з запалкамі вакол бочкі з бензінам. Мы лічым, што ваш падыход прынцыпова адарваны ад рэчаіснасці. Мы шчыра заклікаем паважаных заходніх калег сур’ёзна задумацца над сутнасцю і спецыфікай ваеннага канфлікту з удзелам ядзерных дзяржаў. Канфлікту, які можа стаць непазбежным, калі не адмовіцца ад бяздумнай вайны на знясіленне», — дадаў ён.
Андрэй Дапкюнас таксама звярнуўся да тых дэлегацый, якія бралі слова ў гэтай зале і гаварылі пра Беларусь: «Калі ў вас сапраўды ёсць рэальная грамадзянская смеласць, паспрабуйце размаўляць з Беларуссю не ў вялікай зале. Паспрабуйце размаўляць з Беларуссю адкрыта, без умоў, шантажу і пагроз. Вы нават не ўяўляеце, як шмат можна дасягнуць простай размовай, заснаванай на паважанні права свайго субяседніка, нават калі і апанента, быць пачутым».
