Парывісты вецер і да +24°С. Сіноптыкі расказалі пра надвор’е на 23 жніўня
22 жніўня, Мінск . Парывісты вецер да 24 м/с на поўначы ў начны час і да 24 градусаў цяпла днём чакаецца 23 жніўня ў Беларусі. Аб гэтым БЕЛТА паведамілі ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.
У асобных раёнах пройдуць кароткачасовыя дажджы і навальніцы. Вецер паўднёва-заходняга і заходняга напрамкаў. Сіноптыкі папярэджваюць аб аранжавым узроўні небяспекі ў сувязі з узмацненнем ветру ў многіх раёнах на поўначы краіны — яго парывы будуць дасягаць 15-20 м/с. Уначы ў асобных раёнах Віцебскай вобласці скорасць ветру ўзрасце да 21-24 м/с.
Тэмпература паветра ў начны час будзе ад 9 да 14 градусаў вышэй за нуль, днём слупок тэрмометра пакажа ад 18 да 24 градусаў.
А больш цікавых прагнозаў глядзіце ў праграме РТР-Беларусь «Плюс-мінус» на videobel.by.
