Нарвежцы ўпершыню прабіліся ў чвэрцьфінал чэмпіянату планеты па футболе
Фота з сацсетак 6 ліпеня, Мінск . Зборная Нарвегіі ўпершыню прабілася ў чвэрцьфінальную стадыю чэмпіянату свету па футболе,
У паядынку 1/8 фіналу «вікінгі» перайгралі пяціразовых чэмпіёнаў планеты бразільцаў з лікам 2:1. У пачатку сустрэчы ў Нью-Ёрку больш актыўнымі былі скандынавы, потым паўднёваамерыканцы перахапілі ініцыятыву і на 14-й мінуце зарабілі пенальці. Аднак Бруна Гімарайнс не змог перайграць галкіпера Ор’яна Нюланда. У другім тайме перамогу нарвежцам прынёс іх лідар Эрлінг Холан, які аформіў галявы дубль. Ён дагнаў Ліянэля Месі і Кіліяна Мбапэ — ва ўсіх па 7 мячоў. Толькі на 9-й кампенсаванай мінуце ветэран бразільскай каманды Неймар з пенальці скараціў разрыў, але на большае часу не хапіла.
У матчы за выхад у паўфінал нарвежцы сустрэнуцца з англічанамі, якія перамаглі ў Мехіка мексіканцаў — 3:2. Раней у чвэрцьфінал прайшлі віцэ-чэмпіёны свету французы, якія перамаглі парагвайцаў (1:0), і мараканцы, якія разграмілі канадцаў (3:0).
Расклад астатніх гульняў 1/8 фіналу:
6 ліпеня — Партугалія — Іспанія;
7 ліпеня — ЗША — Бельгія, Аргенціна — Егіпет, Швейцарыя — Калумбія.
Усе сустрэчы сусветнага першынства трансліруе тэлеканал «Спорт ТБ».
Чвэрцьфіналы адбудуцца з 9 па 12 ліпеня, паўфіналы — 14 і 15 ліпеня. Чэмпіён свету вызначыцца 19 ліпеня.
