Гарачыня, але месцамі з навальніцамі. Якім будзе надвор’е ў Беларусі 14 ліпеня
13 ліпеня, Мінск . У Беларусі 14 ліпеня прагназуецца гарачае надвор’е, месцамі з навальніцамі. Аб гэтым паведамілі БЕЛТА ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.
Чакаецца пераменная воблачнасць. Месцамі пройдуць кароткачасовыя дажджы, навальніцы. Ноччу і раніцай у асобных раёнах можа быць слабы туман. Вецер паўночна-заходні, паўночны 3-8 м/с, пры навальніцах парывы да 14 м/с.
Тэмпература паветра мінімальная ноччу складзе 13-18, максімальная днём — 25-30 градусаў.
