«МЛ Віцебск» дэбютуе ў кваліфікацыі футбольнай Лігі чэмпіёнаў
Фота з архіва 8 ліпеня, Мінск . Чэмпіёны Беларусі футбалісты «МЛ Віцебск» дэбютуюць у еўрапейскіх турнірах,
У намінальна дамашнім паядынку першага кваліфікацыйнага раўнда Лігі чэмпіёнаў віцебская каманда прыме ў венгерскім Мезёкёвешдзе румынскі клуб «Універсітаця» з Краёвы (пачатак гульні ў 20.00 (прамая трансляцыя на тэлеканале «Беларусь 5»). Гэты матч рассудзіць брыгада арбітраў з Босніі і Герцагавіны, якую ўзначаліць Лука Білбія. Гульня ў адказ пройдзе 15 ліпеня ў Румыніі. Пераможца гэтага процістаяння згуляе ў другім раўндзе з пераможцам пары «Борац» (Баня-Лука, Боснія і Герцагавіна) — «Леўскі» (Сафія, Балгарыя). Іх першая сустрэча на полі баснійскага клуба завяршылася ўнічыю — 1:1.
Напярэдадні барысаўскі БАТЭ ў стартавым матчы кваліфікацыі Лігі канферэнцый на выездзе разышоўся мірам з албанскім клубам «Эльбасані». Пасля першага тайма барысаўчане ўступалі, а ў сярэдзіне другой палавіны сустрэчы Ягор Русакоў зраўнаваў рэзультат — 1:1. Другая гульня адбудзецца 16 ліпеня ў азербайджанскім Сумгаіце. У выпадку поспеху па суме дзвюх сустрэч БАТЭ сустрэнецца са швейцарскім «Сьёнам».
Віцэ-чэмпіёны краіны футбалісты мінскага «Дынама» свой стартавы матч кваліфікацыі ЛК супраць «Сілекса» з Паўночнай Македоніі правядуць 9 ліпеня ў балгарскім горадзе Стара-Загора, сустрэча ў адказ пройдзе 16 ліпеня ў горадзе Скоп’е. Пераможца будзе сапернічаць з бакінскім «Нефтчы».
