АБФФ і УЕФА намецілі напрамкі па ўмацаванні ўзаемадзеяння
Фота АБФФ 28 жніўня, Мінск . Асацыяцыя «Беларуская федэрацыя футбола» (АБФФ) і Саюз еўрапейскіх футбольных асацыяцый (УЕФА) прадаўжаюць канструктыўны дыялог па ўсіх напрамках і развіваюць супрацоўніцтва, паведамілі БЕЛТА ў прэс-службе АБФФ.
Чарговая рабочая сустрэча старшыні Беларускай федэрацыі футбола Яўгена Булойчыка і прэзідэнта УЕФА Аляксандэра Чэферына адбылася па ініцыятыве беларускага боку ў Манака пасля жараб’ёўкі кантынентальных клубных турніраў. У час размовы абмяркоўваўся бягучы стан супрацоўніцтва паміж АБФФ і УЕФА. Бакі таксама намецілі ключавыя напрамкі для далейшага ўмацавання ўзаемадзеяння.
У гэтым еўракубкавым сезоне выступілі тры беларускія клубы, а ў двух наступных сезонах нашу краіну прадставяць чатыры каманды. Нацыянальная зборная Беларусі гэтай восенню прыме ўдзел у чарговым сезоне Лігі нацый. На працягу многіх гадоў у Беларусі праводзяцца юнацкія турніры развіцця пад эгідай УЕФА у рамках праграмы HatTrick. У розных еўрапейскіх краінах у іх прымаюць удзел юнакі і дзяўчаты з 55 нацыянальных футбольных асацыяцый, якія ўваходзяць ва УЕФА.
