Пераможцы і прызёры чэмпіянату краіны па канькабежным спорце вызначыліся ў Мінску
25 кастрычніка, Мінск . У «Мінск-Арэне» разыграны апошнія камплекты ўзнагарод чэмпіянату Беларусі па канькабежным спорце на асобных дыстанцыях 2026 года,
Праграму спаборніцтваў 25 кастрычніка завяршылі камандныя спрынты і забегі стаераў. На дыстанцыі 5000 м у дзяўчат лепшы рэзультат паказала Марына Зуева, другое і трэцяе месцы занялі Паліна Сівец і Ганна Кавалёва. У хлопцаў на дыстанцыі 10 км першынстваваў Іван Навумаў, серабро і бронзу ўзялі Альберт Рудзевіч і Глеб Болгаў.
У абодвух камандных спрынтах перамогі атрымала трыа з Мінска. Па выніках жаночай гонкі на вышэйшую прыступку п’едэстала падняліся Дана Агаркова, Дамініка Кухарчык і Ксенія Вашкевіч, мужчынскі спрынт выйгралі Ягор Дамарацкі, Андрэй Ільюцік і Віктар Рудэнка.
Трохразовымі чэмпіёнамі Беларусі 2026 года з улікам камандных дысцыплін сталі Ягор Дамарацкі і Дамініка Кухарчык, па два асабістыя залатыя медалі заваявалі Мікіта Мігдалёў, Кацярына Гагіева і Марына Зуева.
