Мінскае «Дынама» сустрэнецца з «Трактарам» у другім матчы дамашняй серыі
Фота з архіва 30 кастрычніка, Мінск . Мінскія дынамаўцы прымуць чэлябінскі «Трактар» у другой гульні дамашняй серыі ў рэгулярным чэмпіянаце Кантынентальнай хакейнай лігі,
Чэлябінскі клуб пачаў гасцявое турнэ з вялікага паражэння ад ЦСКА 28 кастрычніка (1:5), да гэтага «мядзведзі» набіралі ачкі на працягу пяці гульняў запар. Мінчане ж прайгралі чатыры з пяці апошнія матчы, закінуўшы на гэтым адрэзку ўсяго шэсць шайб. У Заходняй канферэнцыі «зубры» з 20 баламі ідуць восьмымі, уральцы з 18 ачкамі замыкаюць табліцу Усхода.
«У нас сур’ёзная перавага свайго лёду дзякуючы выдатным балельшчыкам. Сапернік павінен адчуваць гэта з першых хвілін. Нельга чакаць, пакуль госці стануць дзейнічаць актыўна. Мы самі абавязаны задаваць тэмп, гуляць хутка і агрэсіўна з самага пачатку. У нас выдатная падтрымка, трэба выкарыстоўваць яе і захоўваць энергію на працягу ўсяго матчу», — сказаў форвард мінчан Алекс Лімож.
У мінулым рэгулярным чэмпіянаце КХЛ «Дынама» і «Трактар» сустракаліся два разы і абмяняліся дамашнімі перамогамі. Першы ў сезоне-26/27 паядынак «зуброў» і «мядзведзяў» стартуе ў «Мінск-Арэне» ў 19.10.
